ಬಲ್ಲಿರೇನಯ್ಯ: ರಂಗಸ್ಥಳ

ರಂಗಸ್ಥಳಕ್ಕೆ ಅದರದ್ದೇ ಆದ ಚೌಕಟ್ಟಿದೆ. 4 ಕಂಬಗಳನ್ನು ನಿಲ್ಲಿಸಿದೊಡನೆ ರಂಗಸ್ಥಳವಾಗುವುದಿಲ್ಲ.
ರಂಗಸ್ಥಳ ಅರ್ಧಚಂದ್ರಾಕಾರದಲ್ಲಿ ಇರುವುದು ಪುರಾತನಕಾಲದಿಂದ ನಡೆದು ಬಂದದ್ದು. ಆದರೆ, ಚೌಕ,
ಷಟ್ಕೋನ ಆಕಾರಗಳಲ್ಲಿಯಾ ರಂಗಸ್ಥಳವಿರುತ್ತದೆ.
ರಂಗಸ್ಥಳದ ಉದ್ದ ಅಗಲವೂ ಇಂತಿಷ್ಟೇ ಇರಬೇಕೆಂಬ ನಿಯಮವಿದೆ. ರಂಗಸ್ಥಳದ ಮುಂಭಾಗಲ್ಲಿ 10
ಅಡಿಗಳಷ್ಟಿದ್ದರೆ, ಹಿಂಭಾಗದ ಉದ್ದ 12 ಅಡಿ ಇರಬೇಕು.
ರಂಗಸ್ಥಳಕ್ಕೆ ವೇಷವೊಂದು ಇದೇ ರೀತಿ ಪ್ರವೇಶಿಸಬೇಕು, ಹಿಮ್ಮೇಳದವರು ಇಂಥದ್ದೇ ಸ್ಥಳದಲ್ಲಿ
ಕೂರಬೇಕು ಎಂಬ ನಿಯಮವೂ ಇದೆ. ಪ್ರಖ್ಯಾತ ಕಲಾವಿದ ಸೂರಿಕುಮೇರಿ ಗೋವಿಂದ ಭಟ್ಟರ
ಆತ್ಮಕಥೆ ಯಕ್ಷೋಪಾಸನೆಯಲ್ಲಿ ಸೂಚಿಸಿದಂತೆ ರಂಗಸ್ಥಳದ ಪರಿಕಲ್ಪನೆಯನ್ನು ಇಲ್ಲಿ ಕೊಡಲಾಗಿದೆ.
1.ಭಾಗವತರು
2.ಮದ್ದಳೆ
3.ಚೆಂಡೆ
4.ಶೃತಿ
5.ಚಕ್ರತಾಳ
ವೇಷದ ಪ್ರವೇಶ ಎಡಗಡೆಯಿಂದಿ ಅಂದರೆ ಚೆಂಡೆಯವರು ನಿಂತಿರುವ ಬದಿಯಿಂದ ಆಗಬೇಕು ಮತ್ತು
ಬಲಗಡೆಯಿಂದ ಅಂದರೆ ಮದ್ದಳೆಯವರು ಕೂತಿರುವ ಕಡೆಯಿಂದ ನಿರ್ಗಮಿಸಬೇಕು.
ಮಾಹಿತಿ: ಈಶ್ವರಚಂದ್ರ ನಿಡ್ಲೆ